Novidades no Blogue da Biblio!

Hai novidades no blogue de Bibliotegriña!

Premede na imaxe de Libriño para acceder

Escola de familias - Marian Cobelas

Poñemos en marcha a Escola de Familias!! Este ano, de momento, de xeito virtual. Animámosvos a participar neste encontro con Marián Cobelas o día 10 de decembro a través de ZOOM.

Inscricións para familias do cole a través do correo electrónico

eei.montedaguia@edu.xunta.gal

Reciclaxe útiles de escritura

Informámosvos que a nosa escola participa no programa de reciclaxe de instrumentos de escritura de Terracycle, unha empresa que se encarga dos residuos que son difíciles de reciclar.

Aquí podedes consultar os elementos permitidos, que podedes deixar no noso punto de recollida:

Magosto 2020

Como tinguir pasta para o xogo sensorial

 MATERIAIS NECESARIOS: 

- Pasta seca (calquera forma)

- Pintura normal (témpera ou acrílico)

- Bolsas ou tupper para mesturar

MÉTODO: Bota pasta nas bolsas ou tupper. Engade a cor da pintura que desexes e mestura ben. Coloca sobre panos de papel ou unha bandexa e deixa secar durante 1-2 horas. Feito!.

Agora vexamos algunhas formas divertidas de xogar e usar o novo material sensorial.

- Botar nunha bandexa e xogar a encher e baleirar recipientes con paletas ou culleres. Engadir rolos de cartón para que deixen caer a pasta, moldes de muffins, bandexas de cubos de xeo ou caixas de ovos.

- Usar vasos de papel de cores para a clasificación. Engadir pinzas xigantes para fomentar o desenvolvemento de habilidades motoras finas mentres xogan.

Podedes engadir animais pequenos e crear unha escena de xogo nun mundo pequeno!. As posibilidades son infindas e esta pasta pódese utilizar de moitas maneiras; desde xogos sensoriais ata contar, ordenar, clasificar e facer un collage.

Ata o luns!, Disfrutade!

Venres de música!

 Para acabar a semana bailando e festexar que xa remata a nosa corentena, compartimos convosco hoxe a playlist do último disco da GRAMOLA GOMINOLA: BRAVAS, O REXURDIR DA LUZ. Rock en galego para cantar e bailar sen parar!

Xogar con plástilina. Aula das pitiñas/os

 Experimentar con materiais e texturas é un xeito moi creativo e efectivo de aprender. Para isto as manualidades con plastilina e masa de modelar son xeniais. O outono é o momento ideal para experimentar con pegadas (huellas) de follas, flores e froitos. Esta actividade permitirá coñecer a morfoloxía dos elementos da natureza e desenvolver a capacidade de observación, isto é interesante xa que na aula das pitas/os estamos a traballar as árbores que temos no patio (mirabel, maceira, salgueiro, moreira, acacia, castiñeiro, nogueira, camelia e magnolia), e as súas follas. Así como as partes das mesmas (pecíolo, limbo, nervadura e base). 

MATERIAIS: follas, flores, froitos, pólas...

PARA  FACER A MASA: 1cunca de sal fina, 1 cunca de auga, 3 cuncas de fariña, 2 cullaradas de aceite

Mesturamos todo e amasamos. Formamos boliñas de masa e esmagamos sobre a folla ou flor e aplanamos. Ou ben colocamos a folla enriba e presionamos para que deixe a pegada. Retiramos a folla ou flor e deixamos secar a lo menos 15h., despois cocemos no forno a 100º ata que estean duras. Podemos deixalas brancas ou colorear.

Beneficios de xogar con plastilina: As propiedades moldeables da plastilina fan que sexa divertida para a investigación e exploración, así como para desenvolver a forza en tódolos músculos e tendóns da man.

Empuxar obxectos e sacalos da plastilina fortalece os músculos da man e a coordinación . Pódese esmagar, apertar, enrolar, aplanar, picar, curtar, marcar, pinchar... cada unha destas accións axuda ao desenvolvemento da motricidade fina de xeito diferente, a coordinación man-ollo e a concentración xeral. Se engadimos outros elementos a lista de beneficios e posibilidades de xogo aumenta:

- Rodete para amasar, coitelos de plástico, piñas, paus, follas, cunchas, botóns, letras, números, pasta...

Tan pronto como introducimos elementos de xogo aberto a plastilina transfórmase nun medio perfecto para o xogo imaxinativo. Ten efectos excelentes para aliviar o estrés e pode resultar moi terapéutica. Para as crianzas con dificultades para expresar emocións, usar masa mentres falan e cantan pode axudar neste proceso.

Podemos engadir cores, sabores e texturas como: cacao en pó, xenxibre. canela, cúrcuma reladura de froita, aceites esenciais... arroz, cus-cus, sementes (sésamo, amapola), area, serraduras.

Vivenciar as lecturas

Os contos abren un enorme mundo á imaxinación e o coñecemento, para pequenos e maiores. Un momento máxico comeza cada vez que se abre un contiño, sempre!

A propostiña de Biblioteca de hoxe vai encamiñada a vivenciar esas lecturas de xeito manipulativo. Dar vida aos personaxes dalgún contiño que teñades na casa, empregando calquera recurso que estea ao voso alcance (tapóns, rolos de papel, teas, botellas...). Deixade que os peques sexan os protagonistas destas creacións, e acompañádeos durante a proposta.

Mesturamos así os MINIMUNDOS co PLACER DA LECTURA, dúas actividades que combinan moi ben e seguro que desfrutaredes un montón.

Sabedes que na escola empregamos moito as "pezas soltas" e hoxe imos utilizalas inspirándonos nas imaxes ou na historia dalgún conto.

Aquí tedes unha idea:

Que traballamos con esta actividade? Atención e escoita activa, toma de decisións, xogo simbólico, estruturación espacial e representación, motricidade fina, estimulación sensorial, linguaxe oral, vocabulario, creatividade...

Esta actividade ten varias fases:

1º Elección do conto entre os que teñades na casa

2º Lectura

3º Conversa: como podemos representar un escenario deste conto, que elementos podemos empregar, como o facemos, en que lugar o colocamos...

4º Elección dos elementos que necesitamos e do espazo que imos empregar

5º Representación

En todo este proceso: falamos, decidimos, escoitamos, seleccionamos materiais, facemos, desfacemos... xunt@s! 

O máis importante non é o resultado final, senon o PROCESO: respectar a súa tarefa, deixarlles facer, acompañar mentres toman decisións e resolven conflitos que poidan xurdir, permanecer ao seu carón intervindo nos momentos que son imprescindibles, sen guiar a actividade.

Desfrutádea!

Xogamos coas letras e os números na aula das pitas/os

XOGO DE CONSTRUCCIÓN DE PALABRAS: Cando as crianzas xa recoñecen e din os diferentes sons, podemos practicar a seguinte actividade, que consiste en cortar algúns anacos de papel, cartón ou cartolina e escribir palabras utilizando tres sons (unha sílaba): sal, pan, sol, can, mar, pé... ou dúas sílabas: gato, mapa, lume, figo... Colocamos as tarxetas enriba dunha mesa. Teñen que escoller unha, ler o que está escrito e formar as palabras utilizando letras soltas en papel, tapóns de botellas co abecedario, letras de madeira etc.  Aquí tedes un exemplo

XOGANDO COS NÚMEROS (iniciación á suma): as matemáticas poden parecer complexas para moitas crianzas. Sobre todo, se as traballamos de forma abstracta. As nenas e nenos desta idade comprenden o mundo de xeito manipulativo; por iso a utilización de materiais variados axudará neste proceso. Unha vez que coñecen os números e a súa escritura podemos xogar a engadir cantidades. Para realizar esta proposta necesitamos dous dados e material para contar (botóns, pasta...), pode ser o mesmo para as dúas cantidades ou diferente. Tirar, contar, buscar e escribir a cantidade total!!

Bailamos na casa!

Ola familias! 

Hoxe un pouquiño de música.

Imos ver o vídeo e seguir as instruccións. Coma sempre, deixade que vexan o vídeo e sexan eles/as sós os que intenten comprender o contexto xeral: é moi faciliño, ao principio seguro que non entenden o que digo, pero unha vez comece o baile, xa se sitúan nas instruccións que deben seguir. Pode que precisen velo enteiro antes de seguir as instruccións e comprender exactamente o que teñen que facer, pode que o comprendan na metade do vídeo, ou pode que ao principio: cada un/unha tén seu ritmo e proceso de asimilación, e todos son igual de válidos. 

Bailamos con imitación, obedecemos a miña orde ao parar a música e volvemos bailar cando continue.

As expresións son moi curtiñas e directas:

 "Put your hands on your head": poñemos as mans na cabeza. 

"Touch your nose": tocamos o nariz. 

"Sit down on the floor" : sentámonos no chan. 

"Slither like a snake": deslizámonos como unha serpe. 

"Stand on one leg": Sotémonos cunha soa perna. 

"Hop three times": saltamos tres veces. 

 É moi importante que lle transmitades que non pasa nada se non nos sae o baile, xa que é un pouco complicado e os pasos son moi rápidos! Intentei transmitirllo no vídeo, pero sería importante que fixérades fincapé niso: unha boa maneira é que bailedes con eles/as e que vexan que para vós tamén é difícil, pero o importante é pasalo ben. Na aula empregamos moitas veces este tipo de vídeos para traballar a coordinación e a atención e sóelles gustar moito, por iso quixen intentar facer algo parecido ó que empregamos habitualmente. 

Como xa vos comentei, pasade por alto cando din que non me entenden: non é problema do efecto de voz rápida, débese a que, aínda que si que teñen escoita e práctica en inglés, esta segue a ser unha lingua "descoñecida" para eles/as; están nos primeiros anos da súa aprendizaxe. Eles/as están comezando a ter clara a súa lingua materna, entón, élles moi complicado recibir unha nova con total claridade. Por iso unha metodoloxía moi empregada en Educación Infantil para a adquisición dunha segunda lingua, é aquela que asocia palabras e expresións orais ás imaxes, tanto estáticas como en movemento; partimos do entendemento dun contexto xeral para centrarnos despois no máis concreto.  

O efecto da voz rápida é simplemente para que lles resulte máis divertido, e tamén é un "entrenamento" do oído, xa que os debuxos animados ou algunhas cancións tamén empregan voces distorsionadas. 

O importante é que queiran volver a ver os vídeos e que lles enganchen, e así, a base de escoita e repeticións adquiren unha das capacidades básicas primeiras: "Listening" (escoita), que é como se comeza tamén a aprendizaxe da lingua materna. 

 Aquí vos deixo o vídeo! Espero que lles guste. Calquera dúbida ou o que precisedes, agárdovos en abalar! 

Moitas gracias polo voso esforzo. Xa queda moi pouquiño! Na escola botámolos moito de menos!

 

Viaje espacial

Hace varias semanas que Bruxi y Draco se han ido  y aún no sabemos muy bien donde están, si están en Vigo o si al final han conseguido hacer su viaje al espacio. Hoy he recibido un video que ponía para as  Tegriñas y  no lo puedo abrir así que os lo pongo y sí lo  veis por favor mandarme un audio al correo "domontedaguia@gmail.com" comentándome si sabéis donde están y que están haciendo. Espero vuestras respuestas Gracias. SARA

Adivinanzas de animales

Como favorecer a aprendizaxe na casa. Pitiñas/os

 Momentos de caos, preocupación, emocións a flor de pel. De súpeto rompemos as rutinas do cole, actividades, xuntanzas con amigas/os... situacións que provocan desequilibrio. E temos que buscar novas formas de relacionarnos, de ser e estar no mundo.

A ferramenta máis importante para xestionar todas as emocións que xorden coa infancia é o xogo. É interesante que as crianzas teñan acceso a unha grande variedade de actividades e materiais abertos, con múltiples posibilidades, sen necesidade de custe algún, senón que poden ser obxectos da nosa vida cotiá.

É importante non tomalo como unha obriga, senón unha oportunidade de adaptarse ao mundo, vivir dun xeito máis lento e valorar o feito de pasar tempo coa familia. Aquí tedes algunhas propostas, que espero que vos axuden. 

1.Xogos con xeo e auga: a auga é un dos elementos da natureza que máis atrae as crianzas. Conéctaos co natural, coa súa esencia. O xogo sensorial con xeo e auga favorece a aprendizaxe experimental, a exploración e a manipulación.

"BOLAS DE XEO ARCODAVELLA": necesitamos auga, colorante alimentario e globos. Botamos un par de gotas de cor en cada globo, enchemos de auga e movemos un pouco para que se mesture, metemos no conxelador 24h. despois cortamos e listas para xogar. Podemos engadir vasos, culleres, auga, mazo...

"XEOS PARA PINTAR": necesitamos auga, colorante alimentario, cubitera de xeo e paus de madeira ou plástico. Tinguimos de cores a auga da cubitera e colocamos un pau para o agarre posterior. Conxelamos e a pintar!!. Sen dúbida é unha proposta de xogo sensorial para traballar a creatividade, a motricidade fina, letras, números e a expresión sen fin.

"FLORES E FOLLAS CONXELADAS": collemos flores e follas de diferentes formas e cores. Para conxelalas utilizamos unha cubitera ou outro recipiente; en cada compartimento colocamos un par de flores, cubrimos con auga e conxelamos. Botamos nunha bandexa e podemos engadir auga tinguida, vasos, mazo, pipeta, pinzas... O efecto das flores conxeladas é realmente fermoso.

2. Contos: Os contos son pura maxia, imaxinación, fantasía, aprendizaxe, creatividade, diversidade ... Transportannos a mundos lonxanos, amosando as crianzas outras realidades e personaxes cos que sinten identificadas/os. Non poden faltar nestes días!!

3. Configurar unha bandexa sensorial: 

Esta mesa sensorial do pequeno mundo das ras, inclúe auga, rochas, plantas de plástico e anacos de madeira. Nela hai xoguetes sobre o ciclo de vida das ras e libros informativos. O interés da crianza espértase a través do xogo e pode dar lugar a debuxos, etiquetas con nomes... Trátase dun espazo que implica acción, imaxinación, sensorial, aberto... no que as nenas/os son os protagonistas.

4.Escritura: a mellor aprendizaxe é o exemplo. Permitir que as crianzas vexan as persoas adultas ler, escribir, de xeito habitual (lista da compra. tarefas pendentes...), escribirlle notas as nenas/os para que as atopen, unha palabra contrasinal para entar no salón, por exemplo. Ler o periódico, algún libro ou revista. Poñer ao seu alcance ferramentas para escribir listas, notas (papel, lapis, selos de tinta, sobres...). Fomentar o seu uso de xeito lúdico, por exp: facer unha invitación de aniversario etc. Poden escribir en crema de afeitar, pintura, sal, fariña... xa que isto axuda a recordar de xeito máis efectivo.

5.Números: Tódolos conceptos matemáticos pódense introducir e practicar mediante o xogo. Facer que as nenas/os participen no cociñado, contando cantidades, axustando a temperatura... A vida cotiá ofrece moitas oportunidades para unha aprendizaxe enriquecedora das matemáticas. Cal é o número da porta?, quen é a maior da casa?, cantos anos teñen os diferentes membros?; poden contar os utensilios que van poñer na mesa (número de culleresn coitelos, vasos...)

Falar das horas do día, ver o número dos zapatos, medir obxectos, contar xoguetes, emparellar calcetíns.... Podemos utilizar materiais sensoriais para practicar as operacións numéricas.

6. Xogo de roles para a aprendizaxe das letras e números: a configuración deste tipo de xogo axuda ás crianzas a ler e escribir dun xeito natural, non abstracto e sen relación coa vida cotiá. Por exp.; engadir etiquetas a súa cociña de xoguete e que pregunten que din esas palabras; ou facer un xogo de café e engadir un menú, colocando un papel e bolígrafo para que tomen notas.

"Semana do Medo"

Un pequeno resumo da "Semana do medo" das Formiguiñ@s...

 

 

 No blogge da biblio podedes botarlle un ollo ao conxuro terrorífico:

 https://bibliotegrinha.blogspot.com/2020/11/conxuro-terrorifico.html

Propostas para a aula das pitas/os

 Bo día familias, biquiños e apertas para todas e todos. Aínda que non poidamos vernos, temos ferramentas como esta que nos achegan un pouquiño, e nos axudan a compartir experiencias e recursos.

Gustaríame compartir con vos algunhas actividades sinxelas de números e letras, que podedes adaptar facilmente aos recursos que tedes na casa.

Explorando as matemáticas: actividades de identificación númerica e asociación coa cantidade correspondente.

Nunha cartolina ou folla de papel branca escribides unha listiña de numeros similar a esta. As crianzas terán que buscar o número que lle indiquedes ou o que elas e eles escollan, se tedes números de madeira, plástico o en tarxetas de papel feitos por vós, podedes utilizalos para ter como referencia, como na imaxe. Para colocar ao lado do número que está enriba ou sinalar os números que atopen poden utilizar calquera obxecto pequeno.

Esta actividade forma parte dun conxunto de propostas que fixemos para Samaín e que só realizou un grupo pequeno antes da corentena; podedes realizala na casa nun folla de papel ou cartolina, facendo un tableiro no que as crianzas teñan que buscar os números do 1-20. Podedes mesturar números e letras para facela máis complexa.

Xogo de exploración fonética: a ensinanza da fonética é unha parte vital do desenvolvemento da lectura nas crianzas, xunto co recoñecento visual das diferentes grafías (letras). A comprensión de como os grafemas (letras) teñen sentido foneticamente (teñen un son), axuda as nenas/os a decodificar palabras e iniciarse na lectoescritura.

Nesta actividade tedes que escribir cada letra do abecedario en maiúscula, nunha folla ou cartolina. Unha vez feito, dicir en voz alta o son que desexamos que a crianza atope e facemos que identifique a letra correspondente. Colocar enriba dela algún elemento, por exemplo: garavanzos.

                                                          

Banda sonora de corentena

 Para animar o tempo!

Bos días dinofamilias!!! Aí vai un contiño de dinosaurios...

Unha canción levantar o ánimo

 

Na proposta de hoxe deixamos o enlace de la Casa de Ateleir, nela tedes unhas plantillas de dinosaurios. Co patrón destas siluetas podedes crear marionetas, decorar as plantillas, xogar as parellas...

https://www.lacasaatelier.com/2018/05/marionetas-de-dinosaurios-para-hacer.html

Colaboramos na casa

Collemos prestado este contiño que fixeron no CEIP de Cabanas xa hai un tempo. 

Agora que temos que estar na casiña, moi importante non esquecer que todos/as debemos ser partícipes das tarefas domésticas. 

Se vos animades a facer algúns dos debuxiños que propoñemos debaixo do vídeo, podedes enviar as vosas fotos ao mail do Departamento de Orientación: domontedaguia@gmail.com

Bos días dinos!! 

Hoxe comezamos o día cun contiño musicado... xa sabes... preparade esas gorxas e a cantar.

Como queda outono para rato e xa temos que ir preparando as castañas do magosto... imos a cantar e bailar ao ritmo de Uxía Lambona e a banda molona coa súa canción de outono.

Sabedes? nas nosas terras tamén había dinosaurios... si,si e moi preto de aquí temos o primeiro museo, o MUJA de Asturias. Aquí tedes un vídeo de presentación do museo. O museo ten réplicas (non a tamaño real ;))  , tamén fósiles e un pouco de historia da súa orixe, extinción, como eran... 

A falta de posibles excursións deixamos aquí o enlace do museo por se queredes máis info.

http://www.museojurasicoasturias.com/es/1/el-museo/1/exposicin-permanente.html,

A proposta de hoxe tamén ven da man do MUJA , se premedes no seguinte enlace podedes acceder ao descargable, é un cubo para contar historias de dinos.

Imprime,recorta, pega e a botar a túa  imaxinación a voar.

http://www.museojurasicoasturias.com/es/agenda/333/construye-un-cubo-para-contar-historias-de-dinos.html

Correos electrónicos aulas

Ola familias! Poñemos a vosa disposición o correo electrónico de cada unha das aulas, así coma do DO e da escola para que poidades enviarnos as propostas realizadas ou as vosas dúbidas segundo a aula a que pertenzan os vos@s fill@s. Moitas grazas por todo.

Aula de 3 anos: OS DINOS: dinostegrinha@gmail.com

Aula  de 4 anos: AS FORMIGUIÑAS: formigasmontedaguia@gmail.com

             Aula de 5 anos, OS PITIÑOS:  pitasmontedaguia@gmail.com

             DO: domontedaguia@gmail.com

             EEI monte da guía: eei.montedaguia@gmail.com

  

    

"The most loving monster in the world"

Boas familias! 

 Para rematar con Halloween, aquí vos deixo unha historia baseada no conto "Bedtime for Monsters": resulta que hai un monstro que vive debaixo da miña cama, e parece que me vai comer....pero....Mirade, mirade! 

 Aínda que é un conto pensado para os nosos Dinos, hoxe vírono os nenos/as de 4 e mañá na escola traballarán con el os nenos/as de 5. Así que o poden disrutar tod@s tamén na casa.

Recomendacións: 

 Antes de velo, poñédeos en contexto: decídelle que é un conto de Halloween, que ao principio pode dar un pouco de medo, pero que, véndoo ata o final, non hai nada que temer! Teacher tén un monstro debaixo da súa cama que está trazando un plan para comela, pero...non todo é o que parece!

A primeira vez que o vexades, non o paredes, que o vexan ata o final; cando remate facédelle preguntas xerais sobre que cren que pasou na historia. Aquí é onde lle podedes explicar que o monstro só me quería espertar para que lle preparase o almorzo (é a ultima secuencia: "Are you hungry, monster? Time to preprare your breakfast!"), e tén unha maneira moi peculiar de espertarme! A bicos! (the most loving monster in the world) 

 En canto ao que podemos facer fincapé, é en vocabulario e expresións como: 

 -Good night! (boas noites) 

 -I´m hungry (teño fame!) 

 -Numbers: 1-5 (conta atrás) 

 -Let´s go! (Imos alá!!) 

 -Ready, steady, go! (preparados, listos, xa!) 

 -Jump! (saltar) 

 Espero que vos guste. 

Calquera dúbida, podedes escribir ben aquí na opción de comentarios ou ao meu abalar! 

 Non queda nada familias! Prontiño nos vemos!

Bos días dinos! seguimos co noso proxecto sobre os dinosaurios . Aí van tres vídeos informativos ca historia e curiosidades dos dinosaurios.

Agora toca levantarse e moverse un pouco ao ritmo desta canción. De paso imos a aprender moitos nomes de dinosaurios... 

Como proposta de hoxe, que vós parece modelar o voso propio dinosaurio con plastilina... se non tedes en casa , a podedes facer caseira. 

Plastilina Caseira

- 2 tazas de fariña

- 1 taza de auga

- 1 taza de  sal

-  Colorante alimentario ( opcional)

Dentro dun bol ou nunha mesa mezclades as cantidades ... e a desfrutar amasando. Non ten que ter repouso , cando os ingredientes estén mezclados xa podedes usala....

E a crear dinosaurios...

Así de ben o pasamos os dinos nesta semana celebrando o Samaín.

A semana deunos tempo para crear monstros,bruxas... facer merendas saudables con moita creatividade, contar contos de medo e escoitar cancións da Samaín, decorar cabazas  ; e como colofón poñer os nosos disfraces e desfrutar en compañía da nosa familia.

Non queda nada para voltar e seguir disfrutando.

 

Boa Compañía e Natureza!

As formiguiñ@s, a pesar dos obstáculos e as múltiples restricións das que son partícipes no seu día a día están a desfrutar da escola coma só el@s saben... con esa enerxía inesgotable e cos seus amplos sonrisos. 

Voltaron con esas gañas de comerse o mundo e de apreciar o verdadeiramente importante da vida: a boa compañía e a Natureza. Para mostra, un vídeo recopilatorio da nosa saída "A Carballeira".

   

A Saída a contorna propiciou unha morea de actividades: recollida de follas, creación de grilandas de follas, realización de retratos otoñais, actividades de arte e luz, recollida de castañas na escola, cociñamos castañas, actividades sensoriais, actividades lóxico-matemáticas e de letras.