O espazo é un elemento mais da aprendizaxe e debe estar acondicionado con tempo e mimo.
A cantidade de luz, a disposición dos materias e os acordes que sonen de fondo serán elementos a ter en conta a hora de crear un ambiente de aprendizaxe e goce.
Pequenos momentos de crear e imaxinar o mundo ideal de cada un deles e delas. Un mundo donde quizais, o verdadeiramente importante, sexa invisible aos ollos (Antoine de Saint-Exupéry).
Mediante a exploración das múltiples posibilidades que xorden a partir de elementos tan cotiáns, como o son o papel e o cartón, estamos potenciando o pensamento diverxente.
Primase o inxenio e o dinamismo, onde a ledicia, a imaxinación e a frescura ofrecen libertad a hora de pensar e actuar.
Non hai unha única opción válida, senón gran cantidade de oportunidades de exploración, e por tanto, de aprendizaxe.
 |
| NAYMA: 26 SETEMBRO Amoxóunos o seu xoguete preferido. Un "bebé" que a súa nai lle regalou non facía moito tempo. Quiso compartilo con todas as formiguiñas e desfrutar del durante toda a xornada. |
 |
| BENJAMÍN: 28 SETEMBRO Fíxonos gozar coas dúas pasións que ten! Unha delas, é o taller no que traballa o seu pai Nicolás. E a outra, e o parque de bombeiros de Teis-Vigo. Mostrounos un vídeo no que recollía momentos vividos no taller e unha tarde en compañía dos bombeiros de Teis, xunto o seu irmán Fran. |
 |
| ACHE: 28 OUTUBRO Trasmitiunos a súa devoción polos dinosauros! |
 |
| DANIELA: 30 OUTUBRO |
 |
| ELORA: 8 NOVEMBRO Abraiounos o seu relato sobre o que máis lle gusta facer e as persoas máis importantes da súa vida. Viu a escola disfrazada de Frozen que é a súa persoaxe preferida e amosounos un dos seus xoguetes por excelencia "un bebé". Parabéns!!! |
Compartimos convosco a revista Tegriña deste curso "a toda cor", agardamos que vos guste!
Desfrutade do verán, familias!!
O luns tivemos a sorte de escoitar e ver en directo a Pili, a nosa coidadora, co seu grupo de música OS ESCARAVELLOS. Que ratiño tan estupendo pasamos!! Mil graciñas, Escaravellos!
Parece que foi onte cando estabamos reunid@s en setembro informándovos sobre o Protocolo Covid e a organización deste curso tan "particular", e xa estamos na recta final...
Non podemos estar máis agradecidas polo voso respecto e cumprimento das medidas de seguridade, polo voso apoio e agarimo sempre, ao longo deste curso tan intenso e diferente.
Grazas por cada un dos folgos que nos foron chegando día tras día, polas verbas de ánimo e alento, tan necesarias!! GRAZAS!
E para un curso "atípico", temos que organizar tamén un final "diferente", pero sempre co obxectivo de que os nenos e nenas sexan os protagonistas e desfruten de cada un dos días deste mes de xuño.
Compartimos convosco as actividades que levaremos a cabo durante este mes (CLIC NA IMAXE PARA AMPLIAR).
Sempre dicimos que o noso cole ten MAXIA, porque todas as persoas que chegan aportan sempre cousas fermosas e deixan dalgún xeito a súa pegada. Tamén foi o caso de Ana e Nati, as nosas mestras de prácticas deste curso, que xa botamos en falta esta semana.
Grazas infinitas por tantos momentos compartidos, pola vosa implicación e agarimo... Contacontos teatralizados, sesións de psicomotricidade, actividades de alimentación saudable, acompañamento respectuoso aos vosos/nosos pequenos e pequenas... e un longo etcétera.
Moitos momentos fermosos que puidemos desfrutar dende novembro ata o pasado venres e que forman xa parte das nosas vivencias e quedan nos nosos corazóns.
Tedes as portiñas do cole sempre abertas, xa o sabedes. Moita sorte no camiño e esperamos a vosa visitiña moi pronto!
Este ano non saímos ao teatro, pero esta semana tivemos a oportunidade de levar o teatro á escola grazas a esta actividade subvencionada pola nosa ANPA (grazas mil!).
O Museo do Pobo Galego enviounos esta proposta que nos pareceu moi interesante: un conto protagonizado por Raquel Queizás sobre a importancia de respectar e protexer o monte comunal.
Polo momento desfrutámola na aula de 4 e 5 anos. Próximamente tamén na de 3.
Graciñas ANPA!!
A miudo temos a sensación de qué o tempo voa... e efectivamente as vacacións de Nadal chegan o seu fin.
Unhas datas cheas de maxia, que as nenas e nenos gozan xa dende os preparativos... e para mostra o seguinte vídeo.
Comeza así, un novo trimestre para encher de novas aprendizaxes e múltiples aventuras.
Os nosos mellores desexos para o 2021!💚
Informámosvos que a nosa escola participa no programa de reciclaxe de instrumentos de escritura de Terracycle, unha empresa que se encarga dos residuos que son difíciles de reciclar.
Aquí podedes consultar os elementos permitidos, que podedes deixar no noso punto de recollida:
Un pequeno resumo da "Semana do medo" das Formiguiñ@s...
No blogge da biblio podedes botarlle un ollo ao conxuro terrorífico:
https://bibliotegrinha.blogspot.com/2020/11/conxuro-terrorifico.html
