Abril na aula de 3 anos!

O facer a recopilación de fotos do mes de Maio percateime que non publicara o video de Abril. Aquí deixamos un anaquiño do día a día do mes de Abril na aula de 3 anos. 

Nuns días subiremos o do mes de Maio! 

 

Letras Galegas 2026. "Madriñas e padriños lectoras/es"

 Para celebrar esta data tan especial tivemos unha xornada de convivencia co alumnado de 4º de Primaria do CEP Santa Tegra que consistiu nunha sesión de contacontos, música e cancións na Carballeira da Guía. 

Moitísimas grazas!!

Anacos de vida na aula das flores

 

Unha visita especial

Nestes días recibimos a visita de dúas enfermeiras pediátricas, que falaron coas nenas e nenos sobre algúns coidados que necesita o noso corpo, en que consiste o seu labor, que utensilios necesitan na súa práctica cotiá... ao tempo que puxeron en práctica algúns coñecementos cun invitado especial.

Que é un niño?. Aula das flores

 O patio da nosa escola está cheo de tesouros; nel atopamos dous niños, un no chan e outro nunha árbore. Este achado deu lugar a unha serie de preguntas:

- Que é un niño?

- Quen fai niños?

- De que poden estar feitos?

- Que tipos de niños coñecemos?

Para dar resposta a estas preguntas utilizamos o debuxo de hipótese en papel de gran formato, utilizando carbón e pasteis. O mural encheuse de debuxos que nos permitiron reflexionar.

A continuación fomos a o patio a recoller materiais para realizar os nosos niños (paus, follas, palla, barro...). Así a través da exploración e o xogo creamos diferentes estructuras.

Por último, empregando a técnica do colaxe, fixemos os paxariños que poderían habitar este espazo. Paxariños inspirados no poema de Rosalía "Alborada".