Revista Tegriña

 Compartimos convosco a revista Tegriña deste curso "a toda cor", agardamos que vos guste!

Desfrutade do verán, familias!!

Fin de curso Pitiñas

 Graciñas, ANPA, por subvencionar as actividades chulísimas de fin de curso...

Graciñas, Equipa Faísca, por facernos desfrutar...

Graciñas, Pitiñas, polas leccións de cada día durante estes tres anos...

FELIZ VERÁN. FELIZ VIDA ♥

Educando en Igualdade

Graciñas, Érguete, polas propostas tan necesarias!

Graciñas, ANPA, sempre man a man coa escola! 

Grazas IES A Guía

Este curso foi moi diferente por moitas cousas, entre elas o non poder compartir máis actividades co IES, por iso non podemos rematar o curso sen facelo. Dende a escola propuxemos pintar a nosa parede, e como non, aceptaron con moito gusto. É un pracer volver a ver esas caras, compartindo risas e experiencias dos anos que pasaron aquí, falando coa súa mestra de infantil como se non pasaran os anos e olvidando por un intre o dificil curso que termina.

 GRAZAS  e grazas por este fermoso video.

Compartimos tamén fotiños doutras sesións de pintura dos peques da escola:

Concerto dos Escaravellos!

 O luns tivemos a sorte de escoitar e ver en directo a Pili, a nosa coidadora, co seu grupo de música OS ESCARAVELLOS. Que ratiño tan estupendo pasamos!! Mil graciñas, Escaravellos!

Novas bandeiras na escola

 Grazas Luna, polas novas "bandeiras oficiais"! Sodes xeniais! :)

Actividades de fin de curso!

Parece que foi onte cando estabamos reunid@s en setembro informándovos sobre o Protocolo Covid e a organización deste curso tan "particular", e xa estamos na recta final...

Non podemos estar máis agradecidas polo voso respecto e cumprimento das medidas de seguridade, polo voso apoio e agarimo sempre, ao longo deste curso tan intenso e diferente.

Grazas por cada un dos folgos que nos foron chegando día tras día, polas verbas de ánimo e alento, tan necesarias!! GRAZAS!

E para un curso "atípico", temos que organizar tamén un final "diferente", pero sempre co obxectivo de que os nenos e nenas sexan os protagonistas e desfruten de cada un dos días deste mes de xuño.

Compartimos convosco as actividades que levaremos a cabo durante este mes (CLIC NA IMAXE PARA AMPLIAR).

Xogo libre

Gústame amosar imaxes das creacións que realizan as nenas/os nos intres de xogo; penso que é unha expresión moi fermosa do seu interior, da súa visión e coñecemento do que as/os arrodea, do que sinten e tamén do que lles gusta ou non. Co xogo ademáis interiorizan e constrúen de forma significativa moitos conceptos ao tempo que integran o mundo desde a súa perspectiva.

Algunhas veces son as propias nenas/os as que me piden que lles faga unha foto as súas producións, cun sentimento de satisfacción que repercute na súa autoestima.

Traballiños na aula das pitas/os

Estas imaxes son unha pequena recompilación das propostas levadas a cabo na aula das pitas/os durante estas semanas. Nelas trabállanse conceptos matemáticos, un achegamento ás minúsculas e pequenas manifestacións artísticas.

xeometría

lonxitude do pé e nº de zapato

froitas e hortalizas en minúscula

conteo, clasificación e descomposición numérica

composición con cunchas

achagamento a primavera

Ana e Nati... GRAZAS!!!

  Sempre dicimos que o noso cole ten MAXIA, porque todas as persoas que chegan aportan sempre cousas fermosas e deixan dalgún xeito a súa pegada. Tamén foi o caso de Ana e Nati, as nosas mestras de prácticas deste curso, que xa botamos en falta esta semana.

Grazas infinitas por tantos momentos compartidos, pola vosa implicación e agarimo... Contacontos teatralizados, sesións de psicomotricidade, actividades de alimentación saudable, acompañamento respectuoso aos vosos/nosos pequenos e pequenas... e un longo etcétera.

Moitos momentos fermosos que puidemos desfrutar dende novembro ata o pasado venres e que forman xa parte das nosas vivencias e quedan nos nosos corazóns.

Tedes as portiñas do cole sempre abertas, xa o sabedes. Moita sorte no camiño e esperamos a vosa visitiña moi pronto!

Amor

"... a miña avoa fai unha raia rebozada que está boísima"

"o Amor", a emoción traballada con este conto é un sentimento difícil de definir, polo etéreo, infindo, sútil... Quizais non precisemos definila, senón sentir...

As crianzas utilizan vocábulos como: corazón, bico, aperta, quérote, unicornio...

Avós é a historia de Manuela e Manuel, dúas persoas maiores que a través dos seus actos cotiás reflicten os sinais que o devir do tempo vai deixando no seu corpo e na percepción que teñen das súas capacidades "... non che son unha nena para andar de festas".

A descripción destas pegadas representadas na figura de Manuel e Manuela convértese nunha declaración de amor, admiración, comprensión e tenrura... que remata cun baile e unha aperta entre os protagonistas.

Vivimos intres nos que as manifestacións de amor (bicos, apertas...) están limitadas ao ámbito familiar e as imaxes violentas e noticias tráxicas están instaladas nas nosas vidas. Polo que cumpre dedicarlle un espazo ao "AMOR"

Na aula das pitas/os  fixémolo cunha serie de actividades:

- Lectura do conto "AVÓS". Que palabras utilizaríades para definir o amor?: baile, corazón, coidar, conectar, apoio...

- Debuxo das avoas e avós: debuxan, escriben os nomes, contan anécdotas...

- Xogar a dicir "cousas bonitas" das compañeiras/os que temos a cada lado

- Escribir cartas de Amor; dirixidas a alguén que as crianzas escollen libremente, expresando o que sinten e familiarizándose coa expresión escrita de sentimentos.

- "o panel do Amor" é un mural onde as crianzas colocan fotografías das persoas ás que queren. Decorado con símbolos e palabras que representan a emoción do amor.

- "A caixa dos tesouros": cada nena/o decora unha caixa co fin de gardar nela as súas cousas máis prezadas e aqueles obxectos que os fan pensar no amor e nas persoas que queren.

- As apertas musicais: ao son da música as crianzas desprázanse pola aula; cando a música cesa , danlle unha aperta á nena/o que teñan máis próxima/o.

- Regalamos bicos: pintan os beizos para despois estampalos nunha tarxeta que regalarán coma un bico.

- Como debuxarías o amor?: representan plasticamente o amor. Mentres realizan a actividade escoitan música relacionada con esta emoción

- Arrolámonos: por parellas cada unha/un escolle un rol (nai, pai, bebé). Buscan unha postura cómoda para abanar á criatura e que adormeza mentres escoitan unha nana. Despois intercambian os roles. Ao rematar conversamos sobre o que sentiron.

- Conversamos sobre o final do conto, e as ilustracións que nel se recollen, onde se reflicten todas as vivenzas comúns da avoa/ó. Cada nena/o expresa as cousas que lle gusta facer coa xente que quere.

• boto arroz na cazola cando mamá cociña e tamén durmo con ela
• axudo a colocar os cereais no almorzo
• boto de menos xogar as agarradas co meu pai
• preparo o almorzo con mamá
• co meu can vexo a tele
• preparar o almorzo con mamá cando non hai escola
• xogar coa miña prima na súa casa nova
• sentarme ao lado de Nora
• cando a miña nai e o meu pai veñen a buscarme á escola
• sentarme ao lado de Neus e xogar con ela
• pasear coa miña irmá e inventar xogos con ela
• abrazar a mamá e que me lave os dentes
• xogar con papá as agarradas na cama e que me ensine a xogar ao xadrez