Procesos 2º trimestre "Atención consciente"

 

Ambientación

Creamos na aula dous espazos nos que levaremos a cabo varias propostas

ATENCIÓN Á RESPIRACIÓN (respiración en grupo): 

Sabedes respirar?:

- Canto aire sodes capaces de coller?

- Soltar o aire pausadamente, agora máis rápido

- Soprar moi forte intentando mover obxectos afastados

Pedras da respiración:

Con pedras pequeniñas practicaremos unha respiración atenta. Sentadas/os en círculo colocamos as pedras no lado dereito do noso corpo, mentres inhalamos subimos unha a unha as pedras e as colocamos na outra man, e ao expirar  baixámolas ao lado contrario.

DINÁMICA TENSIÓN-RELAXACIÓN:

Con esta dinámica axudamos a soltar tensións e dispor dun corpo máis relaxado. Seguindo diferentes consignas as nenas/os irán contraendo e relaxando difentes partes do corpo, por exemplo "imaxinamos que temos un limón en cada man e apertamos con forza".

MASAXE "VISITA AO SALÓN DE PEITEADO"

Nesta proposta un grupo de crianzas sentan nas cadeiras, e o grupo restante fai de peiteador/a seguindo as instrucións: botamos o xampú e damos unha masaxe na cabeza, a caluga, detrás das orellas, ...simulamos o son da auga e quitamos suavemente a escuma, sopramos para secar o pelo...

Ao rematar preguntamos como resultou a experiencia e como se sentiron .