Maios 2020

É tempo de exaltación da natureza, e nós, non queríamos deixar de celebrar “Os Maios” con vos. Aínda que sexa, na distancia e dun xeito diferente. 

Propoñémosvos que decoredes un retrato, podedes debuxalo ou imprimilo. Para adornalo poderedes empregar flores, follas, froitos, ovos, paus, etc. En definitiva, elementos naturais ós que teñades acceso. 
Se isto non fose posible, poderedes utilizar recortes de revistas, flores feitas con papel, estratexias informáticas, ... deixade voar a vosa imaxinación! 

Ademais, deleitámosvos coa nosa COPLA personalizada. Animádesvos a cantala? De seguro que o pasades moi ben! 

“Estes son os maios 

neste gran ensaio, 

recollendo flores 

de diversas cores. 

Nesta corentena 

en familia amena, 

con tortas de froitas 

menos son as loitas. 

 As do Monte da Guía

 temos moita invención, 

fechando este maio 

con nova ilusión.” 

Agardamos con ledicia as fotos das vosas creacións e os vídeos/audios da copla cantada por vós! 

Enchamos os nosos días de cores e sons!