Recuncho de ciencia na aula das flores

 A creación deste recuncho ten como finalidade achegar a ciencia ás nenas/os dende unha perspectiva participativa e motivadora.

As propostas, baseadas no ibro "Ciencia en la primera infancia", están escollidas para facilitar o coñecemento científico. Facilitarán así mesmo a actividade autónoma das crianzas e o funcionamento fluído da actividade no espazo. Están enfocadas para mobilizar conceptos e procesos científicos, con intecionalidade de aprendizaxe, pero abertas a diferentes iniciativas e solucións. 

As propostas presentan un reto, pregunta ou misterio como elemento motivador; así mesmo favorecerán a interacción entre iguais; poñer palabras ao que acontece ten sentido se compartimos o que facemos coas/os demais, contacto que favorece o contraste de ideas, necesario par axudar a cambiar as propias.

1. AXÓUXERE DE SEMENTES

1. PREGUNTAS OU RETOS

- Que cres que hai dentro da botella branca?

- Como podes sabelo?

- Todo soa igual?

- Buscamos algunhas parecidas, iguais?

2. CONCEPTOS CIENTÍFICOS

- Propiedades sensoriais: forma, cor, tamaño, son, movemento...

- Densidade das sementes

3. PROCESO DE APRENDIZAXE

- Xogo exploratorio

- Comparación

2. CABACEAMOS!!

1. PREGUNTAS OU RETOS

- Que pensades que hai dentro das cabazas?

- Que elemento non é unha cabaza?

2. CONCEPTO CIENTÍFICO

- Propiedades físicas das cabazas

- Diversidade

3. PROCESOS DE APRENDIZAXE

- Observación

- Utilización de instrumentos: lupas, instrumentos de medida, balanzas...

- Cuantificación: tamaño, peso.

Rematamos a proposta coa lectura do conto "Corre corre cabaciña", e unha actividade de debuxo de observación empregando a técnica do debuxo a auga.

✿