"Seres imaxinados" é como indican os autores da proposta un intento de fuxir do imaxinario de animais contorneados propio das fichas, para achegarnos a un imaxinario onde a mancha, a cor e o movemento crean seres que non se poden planificar , porque xorden da mancha e da indefinición, nun xesto inmediato.
Para chegar a súa creación , humedecemos en exceso o papel, e a continuación debuxamos sobre el con témperas e un pincel. Desta forma favorecemos que a pintura se expanda e a mancha sexa impredecible.
Deste xeito saímos dos estereotipos e imaxes creadas polas persoas adultas e posibilitamos ás crianzas o asombro, descubrimento... , sen medo a non acadar o obxectivo desexado ou a imaxe recoñecida como "boa ou ben feita" pola persoa adulta.
No hay comentarios:
Publicar un comentario