Durante estas semanas estivemos vivenciando as nosas raíces culturais ca celebración do Samaín e do Magosto. As dúas son festas propias do outono e relacionadas coa terra e os seus froitos.
Con toda a vosa axuda, as crianzas tiveron a oportunidade de gozar dos seus mellores xoguetes neste tempo; as cabazas e as mazarocas de millo.
Necesitaban tocar moito, facer rodar e abrazar as cabazas. Coa axuda dun texto instructivo baleiramos varias delas.
Tamén as observaron e debuxaron.
Debullaron as mazarocas até descubrir os carozos. Investigamos o porqué das diferentes cores e machucaron con varios morteiros os grans de millo para ver que sucedía.
Mollaron as mazarocas en pinturas e cada crianza descubría diferentes sensacións ou movementos sobre un papel.
No hay comentarios:
Publicar un comentario