Praceres e entretemento!

Continuamos co fin de aproveitar os  recursos que adoitamos ter na casa. Nesta ocasión é a quenda dos ESCARVADENTES. A través deste recurso pódense realizar unha gran variedade de actividades:

• Realización de EXPERIMENTOS para agudizar a observación: Experimento da absorción de auga e o método para xerminar ósos/sementes de aguacate.

• Facer xogos de LETRAS

• LÓXICA MATEMÁTICA: xogos cos números e as formas xeométricas.

• Crear verdadeiras obras de ARTE

• Representar MONEC@S e a FIGURA HUMANA

• Así como, Diversos XOGOS: elaboración dunha buxaina, xogo de motricidade fina, clasificación de cores e grandes construcións.

Deixámosvos de novo a receita para elaborar plastilina caseira posto que, aparece na maioría dos xogos. Leva 3 medidas de fariña, 1 medida de sal fina, 1 medida de auga, 3 culleradas de aceite e colorante. Amasar con moito tesón e agarimo!

Se tedes algunha dúbida na realización das propostas podedes preguntar. Esperamos que  as desfrutedes moito!