Na nosa escola queremos apostar polo coidado da nosa contorna tratando de imitar á natureza. Como?, apostando pola compostaxe como sistema de xestión dos residuos orgánicos que xeramos diariamente; co fin de avanzar cara unha economía na que os residuos sexan tratados como materias primas, que podemos devolver á terra en forma de compost. Reducindo o espolio dos nosos recursos naturais.
A compostaxe transforma grazas aos organismos descompoñedores, os restos orgánicos das nosas comidas, xardíns e hortas en compost, un producto estable de cheiro agradable e con propiedades beneficiosas para solos e plantas.
Se queredes colaborar neste proceso de transformación podedes aportar os seguintes ingredientes, que poden ser de dous tipos:
- MATERIAL ESTRUCTURANTE (SECO): polas podadas ou trituradas, vides cortadas a 4 cm, palla seca, follas secas, estrume (vexetación propia do monte), osos de froitos (melocotón, aguacate, olivas...), panos de mesa e cociña de papel sen tinta.
- MATERIAL HÚMIDO: restos de comida, restos da sega de céspede, follas frescas, anacos de froita e verdura, restos de plantas, flores vellas e plantas de maceta.
Preto do castiñeiro tedes un contedor de cor verde para o material seco, e ao lado un composteiro de cor negra para o material húmido.
Graciñas familias
