Os peques de 3 xa temos mascota: o coelliño "Puntillas".

Familias como xa sabedes, dende hai uns días, os peques de 3 xa temos con nos a Puntillas. É un coelliño branco e moi suave, que saíu dos contos.

Estamos moi contentos e recibímolo con moitos mimos, bicos, caricias e cando tivo fame, démoslle un pouquiño da súa merenda.

Aínda está un pouco asustado porque xa se perdeu polo cole e despóis de moito buscalo,  atopámolo metido no cuarto da caldeira...Qué susto levou!!
Con todo, quere facer novos amigos e amigas, e aprender con nos na escola. Por iso, quedará con nos todo o ano. Gárdanos moitas sorpresas e con el viviremos moitas moitas aventuras.
Algunha xa comezou porque... dende o luns está a visitar os vosos fogares. Calquera día o tedes aumentando a familia. Esperamos que o pasedes xenial con el.